Nafarroa

Ni jaio nintzenean Altza oso txikia zen eta erabat baserritarra. Elizak indar asko zeukan. Gero amak, iseba Patrixik, La Salleko Fraileak eta abar eta abar, utzi dute nere barruan kutsu handia.
Hau ez dut esaten zentzu txarrean, horrela da eta kitto. Berriro jaioko ba nintzateke, nahiko nuke jaio herri txiki batean ,euskalduna, baserri askorekin.., Donostitik oso urruti.
Denbora aurrera zihoan neurrian, gero eta gauza gehiago idazten nituen eta normala den bezela, gure Euskal Herriarekin gogoratzen nintzen.
Euskal Herria beti maite izan dut asko, lehen eta orain, nere maitasuna ez da ezer aldatu. Aldatu dena da nere indarra. Orain ez dut indarrik borroka egiteko, orain beste era ezberdinean bizi naiz, baina oraindik gelditzen zait indarra eta gogoa euskera miresteko eta maitatzeko. Pena handia daukat euskeraz hobeto ez idaztea.
Nere sukaldeko euskerarekin, saiatuko naiz gure kulturaren gurdia bultzatzen.
Bertso pila mahai gainean daukat eta batzuk aukeratuko ditut.
Adibidez NAFARROA izenburu duten batzuk. Lau sartuko ditut hemen.

Euskal Herriak badu zati bat

lurra baino gehiago dena

bihotz erdian dugun arantza

dena zatitzen duena.

Hainbeste urte borrokan baina

irabazi ez dutena

gure amaren aberri zaharra

Nafarroa du izena.

Zure bihotzak arrano beltza

gure taupada darama

zure hegaletan gure ametsak

dira zorionaren zama.

Nafarroa zu eta Euskera

zarete aita eta ama

gure seaska Irunan dago

han dago Euskal arima.

Euskal Herrian zure semeak

zu gabe ezin izan gu

baina egiak egunsentian

berriz elkartuko digu

Biziko gara elkar lagunduz

zure beharra badugu

musu goxo bat zuretzat aita

Lapurdin maite zaitugu.

(-)

Nere bigarren abizena Elizalde da eta agian Nafarroatik dator. Ez dakit. Dakidana da, nere Aitona, Xantiren aita, Altzakoa zela, Akular baserrikoa.

-------------------------------------------------------------------------------------------------

hurrengoa : Nik liburutegi bat dut